Numbers 21:1 — Compare Translations

Luganda (BIBU1) (BIBULIYA ENTUKUVU)

Kabaka Omukanaani ow'e Aradi, eyali abeera mu Negevu, bwe yawulira nti Yisirayeli yali ajja ng'agoba ekkubo erya Atarimu, n'amutabaala, n'amunyagamu n'abasibe.

Luganda (EEEE) (Endagaano Enkadde n’Endagaano Empya)

Kabaka Omukanani ow’e Yaladi eyatuulanga mu bukiikaddyo, n’awulira nga Isirayiri ajjira mu kkubo lya Asalimu, n’alumba Isirayiri n’amulwanyisa n’awambamu abamu ku bo.

Luganda (LBR) (EKITABO EKITUKUVU, BAIBULI)

Kabaka Omukanani, ow'e Yaladi, ekiri mu bukiikaddyo, n'awulira nga Isiraeri ajjira mu kkubo ery'e Asalimu; n'alwana ne Isiraeri n'awamba abamu ku bo.

Luganda (Luganda Bible 2003) (LB03)

Araadi, Kabaka Omukanaani, eyabeeranga mu kitundu kya Kanaani eky'ebukiikaddyo, bwe yawulira ng'Abayisirayeli bajja, nga bakutte ekkubo ly'e Atariimu, n'agenda okubalwanyisa, n'awamba abamu ku bo.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

N'Omukanani, kabaka w’e Yaladi, eyatuulanga mu bukiika obwa ddyo, n'awulira nga Isiraeri ajja mu kkubo lya Asalimu; n'alwana ne Isiraeri n'awamba abamu ku bo.