Zechariah 14:4 — Compare Translations

Luganda (BIBU1) (BIBULIYA ENTUKUVU)

Ku olwo ebigere bye biriyimirira ku Lusozi lwa Oliva olutunuulidde Yeruzaalemu ebuvanjuba; olwo Olusozi lwa Oliva lulikutukamu ebitundu bibiri okuva ebuvanjuba okutuuka ebugwanjuba, wakati ne weesimawo olukonko olunene ennyo, ekitundu ky'olusozi ekimu ne kidda emambuka ate ekirala emaserengeta.

Luganda (EEEE) (Endagaano Enkadde n’Endagaano Empya)

Ku lunaku olwo ebigere bye biriyimirira ku lusozi olwa Zeyituuni olwolekedde obuvanjuba bwa Yerusaalemi, era olusozi lwa Zeyituuni lulyabuluzibwamu ebitundu bibiri okuva Ebuvanjuba okudda Ebugwanjuba era lujjemu oguwonvu oguwanvu ennyo. Ekitundu ekimu eky’olusozi kidde mu Bukiikakkono ekirala mu Bukiikaddyo.

Luganda (LBR) (EKITABO EKITUKUVU, BAIBULI)

Era aliyimirira n'ebigere bye ku lunaku luli ku lusozi olwa Zeyituuni olw'olekedde Yerusaalemi ebuvanjuba, n'olusozi olwa Zeyituuni lulyatika wakati waalwo ebuvanjuba n'ebugwanjuba, era walibaawo ekiwonvu ekinene ennyo; ekitundu ekimu eky'olusozi kirijjulukuka okugenda obukiikakkono, n'ekitundu kyalwo ekimu okugenda obukiikaddyo.

Luganda (Luganda Bible 2003) (LB03)

Mu kiseera ekyo, aliyimirira ku lusozi oluyitibwa Olusozi olw'Emizayiti mu buvanjuba bwa Yerusaalemu. Olusozi olwo lulibejjukamu wabiri, okuva ebuvanjuba okutuuka ebugwanjuba, ne lubaamu ekiwonvu ekigazi ennyo. Ekitundu ekimu eky'olusozi kiriseeseetuka, ne kigenda mu bukiikakkono, ate ekitundu ekirala ne kigenda mu bukiikaddyo.

Luganda 1968 (Ekitabo Ekitukuvu ekiyitibwa Baibuli Endagaano Enkadde n'Empya)

Era aliyimirira n'ebigere bye ku lunaku luli ku lusozi olwa Zeyituuni olwolekedde Yerusaalemi ebuvanjuba, n'olusozi olwa Zeyituuni lulyatika wakati waalwo ebuvanjuba n'ebugwanjuba, era walibaawo ekiwonvu ekinene ennyo; ekitundu ekimu eky'olusozi kirijjulukuka okugenda obukiika obwa kkono, n'ekitundu kyalwo ekimu okugenda obukiika obwa ddyo.