Lugbara (E’yo Siza Alatararu Munguniri BIBLIA)
’Dini ’ba nde yi ma ru osile ’bo ’diyi nga enga uru, nga ati’ba o’du, nga ’ba yi ma eselia pililiru ’diyi osu afa suza engapi afa opale ’diyi ma eseliarisi; yi nga bongo osu yi ma ruaa, nga enyiriko osu yi ma paa, nga yi dri afa nyaza piyi fe afa mvuza be, nga yi ma rua efi odusi, nga ’ba okpo kokoru yi ma eselia ’diyi dria o’ba akanya ma dria, nga yi eji yi ma adripi vu Yeriko aku itu pati beria. Vilerisi yi nga dri atri mvi vile Samariaa.