Lahu Bible Edited © Thailand Bible Society and Bible Society of Myanmar, 2010, 2020.
Leˍviˆ chaw 4,600 gʼaˇ, Aˍronˍ awˬ ceuˬ awˬ hkʼaˇ Yawˇyaˍdaˆ shiˍ laˬ taˍ ve chaw 3,700 gʼaˇ, Zaˍdoˆ ve awˬ viˉ awˬ nyi ma‸ bawˆpuiˉ ve yaˇ nehˬ 22 gʼaˇ, Sawˉlu‸ ve awˬ ceuˬ awˬ hkʼaˇ Beˍyaˍmenˍ chaw 3,000 gʼaˇ(awˬ nu ve Beˍyaˍmenˍ chaw hui lehˬ Sawˉlu‸ hpawˇ chehˇ taˍ ve yoˬ.) Awˬ meh bvuhˬ ve Eˇhpaˍrenˍ awˬ ceuˬ awˬ hkʼaˇ 20,800 gʼaˇ, Daˍviˆ hta‸ jawˇmawˇ te tcuh tuˬ kʼai taˍ ve mvuhˇ nyi kʼehˬ hpawˇ chehˇ ve Maˍnaˍseˍ chaw 18,000 gʼaˇ, Chi beu‸ Iˉsaˍreˍlaˆ chaw hui hkʼaˬ hkʼe te cawˇ ve hta‸ shiˍ taˍ ve Iˉsaˍhkaˍ awˬ ceuˬ awˬ hkʼaˇ hkʼaw ve awˬ hoˉ awˬ naˬ 200 gʼaˇ, leh yawˇ hui ve ma‸ yaˇ teˇ hpaˍ, Ma‸ bawˆ tuˬ awˬ hkʼaˇ shiˍ leh la‸ caˉ hkʼa deh‸ yehˇ puiˉ ve Zaˍbuˆlonˍ awˬ ceuˬ awˬ hkʼaˇ 50,000 gʼaˇ, Naˍtaˍliˆ awˬ ceuˬ awˬ hkʼaˇ hkʼaw ve awˬ hoˉ awˬ naˬ 1,000 gʼaˇ leh, yawˇ hui ve ma‸ yaˇ 37,000 gʼaˇ, Ma‸ hkʼeun hkʼa deh‸ henˇ taˍ ve Danˍ awˬ ceuˬ awˬ hkʼaˇ 28,600 gʼaˇ, Ma‸ bawˆ tuˬ hkʼa deh‸ gu taˍ ve Aˍshaˍ awˬ ceuˬ awˬ hkʼaˇ 40,000 gʼaˇ, Yawˇdanˍ iˉ kaˆ lawˬ mvuhˇ nyi tawˆ hpawˇ lo chehˇ ve Ruˇbenˍ, Gaˆ leh mvuhˇ nyi tawˆ hpawˇ chehˇ ve Maˍnaˍseˍ awˬ ceuˬ awˬ hkʼaˇ ma‸ yaˇ 120,000 gʼaˇ hpeh‸ ve yoˬ.