Lahu Bible Edited © Thailand Bible Society and Bible Society of Myanmar, 2010, 2020.
Huˆranˍ lehˬ, mu‸ hkʼu teˇ hpaˍ, sho nuˆ teˇ hpaˍ leh hkehˇ teˇ hpaˍ hta‸ htawˇ te teh taˍ ve yoˬ. Bon yehˬ hkʼaw loˍ cawˇ ve Sawˉla‸monˍ hkʼa kʼoˆ piˇ ve mawˇ hkʼa peu-eˬ hta‸ yawˇ te teh taˍ ve yoˬ. Yawˇ te taˍ peuˬ ve mawˇ teˇ hpaˍ lehˬ, yehˬ hkuiˉ daw lonˉ nyiˇ maˬ, Yehˬ hkuiˉ daw oˇ ve teˇ hpaˍ awˬ hkʼoˆ lo teh taˍ tuˬ ve awˬ hoˆ nyiˇ maˬ, Awˬ hoˆ oˇ ve teˇ hpaˍ hta‸ dawˆ nehˉ tuˬ ve awˬ pon hkʼa deh‸ vaw‸ da‸ taˍ ve kuiˇ caˆ nyiˇ maˬ, kuiˇ aˉ ci ku shiˍ 400 ha shiˍ, Lawˬ ehˉ teˇ chi maˬ, Hkehˇ pe le lonˉ teˇ chi maˬ, Punˇ kʼoˍ lonˉ teˇ maˬ leh punˇ kʼoˍ lonˉ oˇ ve teh taˍ kuiˬ nuˇ paˍ lonˉ teˇ chi nyiˇ hkeh, Mu‸ hkʼu teˇ hpaˍ, sho nuˆ teˇ hpaˍ leh hkʼaw‸ laˉ yuˬ baˬ tuˬ ve hkehˇ pe le teˇ hpaˍ hpeh‸ ve yoˬ. Huˇranˍ lehˬ, bon yehˬ hkʼaw yehˇ tuˬ ve mawˇ oˇ ve teˇ hpaˍ hta‸ Sawˉla‸monˍ kʼoˆ piˇ taˍ ve hkʼe kuiˇ ceh tiˉ yuˬ te taˍ ve yoˬ.