Lahu Bible Edited © Thailand Bible Society and Bible Society of Myanmar, 2010, 2020.
Aˍbaˆsaˍlonˍ ve ma‸ yaˇ teˇ hpaˍ yehˬ hkʼaw lo‸ la leh, Aˍhiˆmaˆ leh Yawˇnaˆtanˍ hkʼaˬ lo le, teh‸ yehˬ shehˍ ma hta‸ na nyi ve yoˬ. Yawˇ huiˉ maˬ iˉ kaˆ hkanˍ leh coˇ paˉ tawˆ-e peuˬ, teh‸ kʼaw‸ yaw hkʼaw‸ piˇ ve yoˬ. Ma‸ yaˇ oˇ ve teˇ hpaˍ lehˬ, yawˇ huiˉ maˬ hta‸ ca hpfuhˆ nyi ve htawˇ, ca maˇ mawˬ leh Yeˍruˆsaˍlehnˍ venˇ lo kʼaw‸ kʼo‸-e ve yoˬ.