2 Chronicles 25:18 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

Yoasha, mukelenge wa Isalele, wakakudimuna dî kudi Amasaya, mukelenge wa Yuda, ne, Dieba diakadi ku Lebanona diakatumina mutshi wa cèdre wa mu Lebanona dî ne, Ufile muanʼebe mukashi kudi muanʼanyi mulume bu mukashi wandi; kadi nyama wa luonji wa mu Lebanona wakadiata dieba munda mua dikama diandi.

Tshiluba Bible 1996 (MUKANDA WA MYIDI MUKULU)

Yowashe kuandamuna Amashiya ne: “Dituku dikuabu, mutshi wa meba uvua pa mukuna wa Lebanone. Kulombawu mutshi wa sedre ne: Anyisha bua muananyi wa balume asele muanebe. Kadi nyama wa tshisuku, kudiatakaja mutshi wa meba awu.