2 Chronicles 31:10 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

Azaya, muakuidi munene, wa mu nsubu wa Sadoka, wakamukudimuna ne, Katshia bantu bahanga kufila bintu mu nsubu wa Yehowa, tuetu tuakudia, tuakukuta, ne bintu ebi biakushala bia ha mutu; bualu bua Yehowa wakasankisha bantu bandi; bintu ebi bia bungi bidi bishala.

Tshiluba Bible 1996 (MUKANDA WA MYIDI MUKULU)

Azariya mutuangaji munene wa mu diku dia Sadoke, kuandamuna mukalenga Izkiya ne: — Katshia bantu batuadije kufila tshitupa tshia bintu bivuabu banowa mu madimi abu, mu nzubu wa Mvidi Mukulu, tuvua tudia tukuta, tushala ne biakudia bikuabu bia bungi. Bualu Maweja-Nangila uvua muele bena Izrayele lupemba. Biakudia bidibu bakunguja muaba ewu ebi, ke bidi bishale.