Esther 3:13 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

Bakatuma mikanda ei mu bianza bia bantu ku nseke yonso ya mukelenge bua kushihabo ne bua kubutulabo Bena Yuda bonso ne batekete ne banunu ne bana bakese ne bakashi dituku dimue, mu dituku dia dikumi ne asatu dia ngondo wa dikumi ne ibidi, ngondo wa Adâ mene, ne bua kuhaulabo bintu biabo bionso.

Tshiluba Bible 1996 (MUKANDA WA MYIDI MUKULU)

Pashishe kutumabu bantu bua bafile mikanda ayi mu ditunga dionsu dia mu bukalenga. Mu mikanda eyi bavua bela diyi dia kushipa ne kubutula bena Yuda bonsu, kakuyi luse nansha lukese: bansongalume, bantu bakole, bakaji ne bana. Bavua mua kupawula kabidi bintu biabu bionsu. Bavua ne bua kushipa bantu dituku anu dimue, mu ngondu wa dikumi ne muibidi, dituku dia dikumi ne disatu dia ngondu awu.