Ezra 8:35 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

Bantu bakumuka mu buhika bakafila milambu ya kuosha kudi Nzambi wa Isalele, balume ba ngombe dikumi ne babidi bua Bena Isalele bonso, ne bimpanga makumi tshitema ne bisambombo ne bana ba mikoko makumi muanda mutekete ne muanda mutekete, ne mpumbu ya mbushi dikumi ne ibidi bu milambu ya kubuikila nʼai mibi yabo: bionso ebi biakadi milambu ya kuoshela Yehowa.

Tshiluba Bible 1996 (MUKANDA WA MYIDI MUKULU)

Bonsu, bavuabu baye nabu mu bupika, bamane kupingana, bavua balambula Mvidi Mukulu wa Izrayele milambu ya kuosha mu dina dia bena Izrayele bonsu: nyama ya ngombe milume dikumi ne ibidi, mbuji ya mikoku ya bimpanga makumi tshitema ne isambombu, ne bana ba mikoku makumi muanda mutekete ne muanda mutekete. Bavua balambula kabidi mbuji ya mpumbu dikumi ne ibidi bu mulambu wa kukobolola nawu bantu. Bavua boshila Maweja-Nangila nyama yonsu ayi.