Nehemiah 8:15 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

bua bobo batumine bantu bonso mu misoko yonso ne mu Yelushalema ne, Yai bienu ku mikuna, nuangate matamba a olive ne matamba a olive ya muitu, ne matamba a mitshi ya myrte ne malala a mabue, ne matamba a mitshi mikuabo bua kuenza nʼau bitandatanda bu muakafundabo.

Tshiluba Bible 1996 (MUKANDA WA MYIDI MUKULU)

Bavua bamanyisha bualu bua tshibilu etshi mu bimenga bionsu too ne mu Yerushalayime. Bavua balomba bua bantu bonsu baye ku mikuna, bambule kabidi matamba a mitshi ya olive ya ku nzubu yabu, nansha ya mu tshisuku, nansha malala a mabue. Bambule kabidi matamba a mitshi mikuabu ya mabeji a bungi, bua bamone mua kuasa tuzubu tua bisasa.