Numbers 12:14 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

Yehowa wakambila Mose ne, Bikala tatu wandi mumutuile lute ku mesu, yeye wakadi kushala ne bundu matuku muanda mutekete, nansha? Bamuteke ku butshika bua tshitudilu matuku muanda mutekete, ne ku nyima nebamuhingishe kabidi.

Tshiluba Bible 1996 (MUKANDA WA MYIDI MUKULU)

Maweja-Nangila kuambila Moshe ne: — Bu tatuende mumutuile mate mu mesu, kavua mua kufua bundu lumingu lujima anyi? Nanku numupatule mu mitanda bua lumingu lujima kabidi. Pashishe, neapingane kabidi munkatshi muenu.