Zephaniah 3:11 — Compare Translations

Tshiluba Bible (Mukanda wa Nzambi Dihungila Dikulukulu ne Dihungila Dihia-dihia 2003)

Mu dituku adi kuena ufuishibua bundu bua bienzedi biebe bionso biwakuntombokela nʼahi; bualu bua mu dituku adi nengumushe munkatshi muenu bantu bebe badi baditumbisha ne dihetu diabo; wewe kuena wikala ne dihetu kabidi mu mukuna wanyi wa tshijila.

Tshiluba Bible 1996 (MUKANDA WA MYIDI MUKULU)

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.