Nehemiah 5:15 — Compare Translations

Mizo Bible

Nimahsela tun hmaa ram awptu, mite lakah an lo hautak hle mai a, tangka sekel sawmli tiam loin an chhangte leh uainte an laksak thin a; chu mi ahnu hmanah an chhiahhlawhte chu mite chungah an intilal hle mai a: nimahsela kei zawngin Pathian tihna avangin chutiang chuan ka ti ve lo.

Mizo CL

Ka hmaa Ramawptute chu mipui tân an rit hle a, ni tin, tangka sawmli man chaw leh uain an phût ṭhîn a; an chhiahhlawhte pawh rit tham tak an ni. Pathian ka zah avângin chutiang chu ka ti ve lo.

Mizo OV

Nimahsela, tûn hmaa ram awptute kha mite lakah an lo hautak hle mai a, tangkarua sakel sawmli tiam lovin an chhangte leh uainte an lâksak ṭhîn a. Chumi ahnuhmanah an chhiahhlawhte chu mite chungah an intilal hle mai a; nimahsela, kei zawngin Pathian ṭihna avângin chutiang chuan ka ti ve lo.