Madurese Bible 1994 (ALKETAB E DHALEM BASA MADURA)
Dhari ku-suku bagiyan dhaja se jau, iya areya dhari suku Isakhar, Zebulon ban Naftali, bannya' keya oreng dhateng ngeba hemar, onta, jaran buwadan, ban sape se sarat bi' buwadan bahan kakanan: teppong, buwana ara, kismis, anggur ban mennya' jaitun. Laen dhari jareya reng-oreng jareya ngeba sape ban dumba se esambelliya ekakana. Jareya kabbi noduwagi saapa gumbirana ra'yat sa Isra'il.