Madurese Bible 1994 (ALKETAB E DHALEM BASA MADURA)
Dhari antarana ga-kalowargana tokang nyanye, para pamimpinna oreng Lewi gella' mele reng-oreng se esebbut e baba reya epanabbu simbal paronggu: Heman ana'na Yowël ban la-balana se anyama Asaf ana'na Berekhya, ban Etan ana'na Kusaya dhari kaom Merari. Se ngerenge ban se nabbu calempong se sowarana tenggi epele reng-oreng Lewi reya: Zakhariya, Ya'aziyel, Semiramot, Yehiyel, Uni, Eliyab, Ma'aseya ban Benaya. Se epanabbu calempong se sowarana mandhap epele reng-oreng Lewi se kasebbut e baba reya: Matica, Elifele, Mikneya, Azaziya, ban pangawalla Padalemman Socce kadhuwa, iya areya Obed-Edom ban Yeiyel.