Madurese Bible 1994 (ALKETAB E DHALEM BASA MADURA)
Daddi oreng Filistin la ngeba tor-ator ka PANGERAN menangka tebbusanna dusana oreng e tha-kotthana se eparenta rato Filistin se kalema. Tha-kottha jareya iya areya kottha Asdod, Gaza, Askelon, Gat ban Ekron. E antarana tha-kottha jareya badha se badha bintengnga, badha se tadha'. Sabban kottha settong ngerem dun-budunan ban kos-tekosan emmas settong ebang. Menangka buktena kadaddiyan jareya iya areya bato se raja se egabay panyaba'anna Petthe Parjanjiyanna PANGERAN gella'. Sampe' sateya bato jareya gi' badha e teggalla Yusak, oreng Bet-Semes rowa.