2 Chronicles 23:18 — Compare Translations

Madurese Bible 1994 (ALKETAB E DHALEM BASA MADURA)

Yoyada laju makon para imam ban oreng Lewi ngoros lalakon e Padalemman Socce menorot pambagiyanna lalakon se la etantowagi bi' Rato Daud. Reng-oreng jareya kodu ngatorragi kurban obbaran ka PANGERAN – menorot kom-hokomma Mosa – etoro'e paraya'an ban nyanyeyan-nyanyeyan se la eator bi' Daud.