Madurese Bible 1994 (ALKETAB E DHALEM BASA MADURA)
sampe' bi' sengko' ba'na ealle ka settong nagara se merep ban nagarana ba'na dibi'. E jadhiya badha kebbun anggurra se ngasellagi anggur se ekenneng kakan ba'na, badha teggalla gandum se ngasellagi teppong kaangguy kakanna ba'na. E nagara jareya bannya' bungkana jaitun, bannya' mennya' jaitunna ban madduna. Mon ba'na atoro' ka tang oca' reya, ba'na bakal odhi'a, ta' kera mate. Ja' ngedhingngagi cacana Hizkiya! Ba'na eco-koco, ebalai ja' ba'na tanto epasalamet bi' PANGERAN.