Madurese Bible 1994 (ALKETAB E DHALEM BASA MADURA)
Ngala' bato dalima dhadhuwa'. Nyare kemmasan se ahli soro ngokerragi e bato jareya ma-nyamana ana'na Yakub se dhubellas. Toles noro' giliranna omorra, settong bato tolese nyama nem-ennem. Bato mamatan se dhadhuwa' jareya kodu epasang e dhalem ban-embanna mamatan se dhari emmas, sarta saba' e talena bauna efod menangka tandha parengeddanna suku Isra'il se dhubellas rowa. Kalaban cara se kantha jareya Harun ngeba nyamana ku-suku jareya e bauna, daddi Sengko', PANGERAN, terrosa enga' ka ku-suku jareya. Salaenna ban-emban emmas se dhadhuwa' jareya,