Exodus 34:10 — Compare Translations

Madurese Bible 1994 (ALKETAB E DHALEM BASA MADURA)

Dhabuna PANGERAN ka Mosa, “Sateya Sengko' mabadha'a parjanjiyan ban bangsa Isra'il. E adha'anna reng-oreng jareya Sengko' mabadha'a kaajiban-kaajiban se gi' ta' tao kadaddiyan e antarana sa-bangsa se kemma'a bai e bume reya. Sa-bangsa bakal padha'a nangaleyana sakabbinna kaajiban se epabadha'a bi' Sengko', sabab Sengko', PANGERAN mabadha'a sabarang se nako'e e adha'anna ba'na.