Madurese Bible 1994 (ALKETAB E DHALEM BASA MADURA)
E malem jareya Yakub ngenep e jadhiya. Kalagguwanna ebinna laju epele, ebagiya ka Esau menangka le-olle. Le-ollena jareya acem-macem, iya areya: embi' babine' dhu ratos meggi' ban lalake' dhu polo meggi', dumba babine' dhu ratos meggi' ban lalake' dhu polo meggi', onta se gi' nyosowe ban budhu'na tello polo meggi', sape babine' pa' polo meggi' ban lalake' sapolo meggi', hemar babine' dhu polo meggi' ban lalake' sapolo meggi'.