Madurese Bible 1994 (ALKETAB E DHALEM BASA MADURA)
senga', GUSTE Allahna ta' kera nolonge ba'na pole ngojuk sa-bangsa jareya. Sabaligga sa-bangsa jareya bakal babaja'a ka ba'na, sabab sa-bangsa jareya bakal daddiya akantha jebbak se macalaka'a ba'na, sarta bakal masangsara'a ba'na. Sabab sa-bangsa jareya bakal daddiya peccot se epokollagi ka balikadda ba'na otabana padha ban dhuri se badha e dhalem matana. Ba'na bakal nyangsara'a odhi'na, sampe' dhi-budhina ba'na bakal tadha'a karena e nagara se bagus reya, se eparengngagi ka ba'na se bi' GUSTE Allahna.