Madurese Bible 1994 (ALKETAB E DHALEM BASA MADURA)
E bakto reng-oreng Isra'il kalowar dhari Messer, lalake'anna la padha esonnat kabbi. Tape saabidda reng-oreng jareya ajalan e ra-ara beddhi pa' polo taon abidda, ana' lalake'anna padha tadha' se esonnada. Ban saellana bakto se pa' polo taon jareya la lebat, lalake'an se e bakto mangkat dhari Messer omorra la patot ja' maso'a tantara, la padha mate kabbi, polana ta' atoro' ka dhabuna PANGERAN. Daddi, noro' sompana PANGERAN, reng-oreng jareya ta' eedine nangale'e nagara se ma'mor ban landhu se ejanjiyagi PANGERAN ka bangatowana ommat jareya.