Madurese Bible 1994 (ALKETAB E DHALEM BASA MADURA)
Ca'na reng-oreng jareya, “Tore ja' nyerrangnga Lais. Kaula sakanca ampon padha entar ka ka'issa', ampon nangale'e kabadha'anna. Tanana sae, lebar sareng ma'mor, ponapa'a bai badha. Ja' neng e ka'iya malolo, neng-enneng malolo tadha' ollena. Tore duli mangkat arebbu' nagara ka'issa'. Tanto sampeyan pas oneng ja' pandhudhu'na ta' nyangka sakale ja' eserranga oreng. Kaula yakin Allah marengngagi nagara ka'issa' ka sampeyan.”