Madurese Bible 1994 (ALKETAB E DHALEM BASA MADURA)
Tape oreng Lewi jareya ta' endha' ngenep e jadhiya pole. Daddi laju mangkat ban sellerra, abareng ban barengnga sarta hemarra se dhadhuwa' se epobuwi pa-kapa. E bakto la para' malemma, reng-oreng jareya napa' ka seddi'na Yebus (iya areya Yerusalim). Barengnga jareya ngoca' ka lorana, “Towan, ngereng nyepper ka kotthana oreng Yebus paneka, kelem e ka'issa'.”