Madurese Bible 1994 (ALKETAB E DHALEM BASA MADURA)
“Mara noro' sengko',” dhabuna ka reng-oreng jareya, “bi' PANGERAN ba'na la etolonge makala mosona, reng-oreng Mo'ab rowa.” Daddi oreng Isra'il jareya laju toron dhari pagunongan, epimpin Ehud, laju arebbu' bagiyanna Songay Yordan se bi' oreng Mo'ab egabay palebadan mon alengka'a songay. Tadha' settonga mosona se bisa salamet alengka Songay Yordan jareya.