1 Chronicles 5:26 — Compare Translations

Mossi (SEBR SÕNGO) 1998

A Israyɛl Wẽnnaam pirsa a Ypll ne a Teglat-Falasar, Asʋr dĩm dãmba. B wʋk-b lame n tɩ kẽes yembdo, b wʋka a Rubẽ, a Gad yagense, ne a Manase bogre, b peeg-b lame n tɩ bas Ala, Abor, Ara la Gozã kʋɩlga noore. B keta be ne rũnna.

Mossi MPBU (WẼNNAAM SEBRE 2014)

Israyɛll Wẽnnaamã pirsa Asiiri rĩm a Pulli, ne Asiiri rĩm a Tɩlgat-Pilnezɛɛre, n kɩt t'a Tɩlgat-Pilnezɛɛr yõg Rubɛn nebã ne Manaase buudã pʋɩ-sʋk n tɩ kẽes yembdo. A tall-b lame n kẽng Hala, Haboore, Haara, Gozan kʋɩlgã noore, la b keta beenẽ n tãag rũndã.