2 Chronicles 32:21 — Compare Translations

Mossi (SEBR SÕNGO) 1998

Naaba-Wẽnd tʋma malɛka Asiri dĩma tãb-sikẽ t'a kʋ gãndaadã la tãnsoaben-dãmba. Dĩma lɛɛga ne yãnde n leb a tẽngẽ. A sẽn kẽ a wẽnd doogẽ a meng kamb kʋ-a-la ne sʋʋga.

Mossi MPBU (WẼNNAAM SEBRE 2014)

La Sẽn-Ka-Saabã tʋma malɛɛk Asiiri rãmbã tãb-sikẽ, t'a tɩ kʋ tãb-bi-gãndaadã fãa, ne tãnsoben-dãmbã, la nanambsã fãa. Woto, Asiiri rĩm a Sãnkeriib yika ne yãnd n lebg n zoe n kuil a tẽngẽ. La wakat ning yẽnda sẽn wa n kẽ a wẽn-naandgã roogẽ wã n na n pʋʋsã, yẽnda kambã kẽe n kɛɛ yẽnda ne sʋʋg n kʋ.