Isaiah 66:20 — Compare Translations

Mossi (SEBR SÕNGO) 1998

Tẽn kãens na n le talla y saam-biisa fãa sẽn da be ne bãmbã n wa. B na n zombg-b-la wiidi, bilim-bilm, bõones la bɛda, n zombg-b bõn-wees bɩ yʋgma, n dʋʋs m tãn-sõnga zugu, Zerizalɛɛm. Soaala-Wẽnd n gomde. Dẽ n na n yɩ kũun b sẽn na n wa kõ maam; la m na reeg b kũuna wala m sẽn maand ne a Israyɛl kamba sẽn wat ne b kũuni, la-sõma pʋsẽ, m do-sõngẽ.

Mossi MPBU (WẼNNAAM SEBRE 2014)

B na n talla yãmb saam-biisã fãa sẽn dag n be buud a taabã sʋkã n leb n wa tɩ yɩ kũun Sẽn-Ka-Saab yĩnga, b na n zombga bãmb wiidi, saar-dãmb zutu, la terok-rãmb sẽn bas vɩʋʋg pʋse, ne bõn-weese, la yʋgma zutu, n tall-b n wa mam tãn-sõngã zug Zeruzalɛm. Maam a Sẽn-Ka-Saab n yeele. A na n yɩɩ wa Israyɛll nebã sẽn ning b kũun lagd sẽn yaa yɩlma pʋs n tar n wat Sẽn-Ka-Saab roogẽ wã.