Jeremiah 17:26 — Compare Translations

Mossi (SEBR SÕNGO) 1998

Sã n ya woto neb na n yii Zɩɩda tẽnga n wa pid wẽnd doogã. B na n yii Zɩɩda tẽnsẽ, Zerizalɛɛm tẽn-kɩremse, a Bẽnzame tẽn-peelmẽ, kunkuba zutu, bãg-faagẽ, la Negɛb zĩ-pɛɛlẽ. B na n wa kʋʋ maando, maanda buud toor-toore: yũ-nood maando, laafi kosg maando, bark pʋʋsg maando, n paas alkam la tɩdar kũuni.

Mossi MPBU (WẼNNAAM SEBRE 2014)

Neb na n yii Zʋʋda soolem tẽmsẽ wã ne Zeruzalɛm tẽn-kɩremsẽ wã, la Benzame tẽngẽ wã, ne tẽms nins sẽn be kunkub la tãms sʋkã, la Negɛɛve, n tall maoong sẽn yõogd bugum, ne maoong a to, la bõn-koaadl kũuni ne wisdu, ne bark pʋʋsg kũuni, n wa Sẽn-Ka-Saab roogẽ wã.