Jeremiah 44:25 — Compare Translations

Mossi (SEBR SÕNGO) 1998

Woto la dũni fãa Soaala, a Israyɛl Wẽnnaam, gomda: ‹Yãmba, pagbã, y sẽn yiis y noorẽ la y sẽn wẽnegd n pids ne y nusi, y yetame tɩ y sẽn pʋlem bũmb ningã, y na pids-a, yĩngr dĩm-poaka yĩnga, y na n waa ne wisdu la rãam. Y sɩd maana boto. M nong-y, kell-y n tall-y boto!

Mossi MPBU (WẼNNAAM SEBRE 2014)

Saasẽ-Pãng-Soabã sẽn yaa Israyɛll Wẽnnaamã yetame: Yãmb ne y pagbã pidsa bũmb nins y noyã sẽn togsã. Bala, yãmb yeelame: «Tõnd dat n pidsa d sẽn pʋlem tɩ d na n maana bũmb ninsã. D na n yõoga wisd n tɩ kõ saasẽ dĩm-poakã, la d kõ-a bõn-yũudl kũuni!» Dẽ yĩngã, bɩ y maan wa y sẽn yeelã. Pids-y y sẽn pʋlem bũmb ningã.