Leviticus 13:25 — Compare Translations

Mossi (SEBR SÕNGO) 1998

a soab kẽng tɩ maan-kʋʋda gese. A sã n mik tɩ kõbda pelgame, a sã n ne vẽenega tɩ yĩnga võtame, a bãng tɩ yaa bãaga n tũ bugma n yẽege, maan-kʋʋda na n wilg-a lame t'a yaa rẽgdo tɩ yaa yĩng bãag la a bẽeda.

Mossi MPBU (WẼNNAAM SEBRE 2014)

bɩ maan-kʋʋdã maag a meng n ges a soabã. B sã n mik tɩ yĩn-kõabnengã sẽn be tẽgsmã pʋgã lebga pɛɛlga, la a zĩigã sã n võdame, wilgdame tɩ yaa wãood n puk bugmã nodr zugu. Bɩ maan-kʋʋdã wilg tɩ nin-kãng yaa rẽgdo. Bala, yaa wãoodo.