Malachi 1:8 — Compare Translations

Mossi (SEBR SÕNGO) 1998

Y sẽn mii n talld rũng sẽn ya zoanga, woabga, bãada n na n kʋ maoong n kõ-ma, y tẽedame tɩ rẽ zemsame bɩ? Sã n ya tẽnga naaba la y kõ rũng a woto buudu, y tẽed t'a sũur na yɩ noogo? Y tẽed t'a na kõ-y y sẽn date? Yaa maam n sokde, maam, Naaba-Wẽnd, dũni fãa Soaalã.

Mossi MPBU (WẼNNAAM SEBRE 2014)

Yãmb sẽn talld rũng sẽn yaa zoang n wat n na n maan maoongã, ka bõn-wẽng sɩda? Yãmb sẽn talld rũng sẽn yaa woabg bɩ bãad n wat tẽn-kugrẽ wã, ka bõn-wẽng sɩda? Mam kotame tɩ y rɩk rũng a woto buud n tɩ kõ y tẽngã gʋvɛrneer n gese, a sũur na yɩ noog ne yãmba? Yãmb tẽedame t'a na n deeg-y-la sõama sɩda? Maam a Saasẽ-Pãng-Soab n yeele.