Matthew 23:23 — Compare Translations

3 translations compared side by side

Mossi (SEBR SÕNGO) 1998

Yell na pak yãmba, Sɛb-mitba la Farizẽ, zãmb rãmba, yãmb sakd n kɩta dʋr a ye piig zugu, y zẽ-vãad la y zẽ-biis sẽn tar yũ-noodo n yaool n basd Noora sẽn wilg bũmb niyns wa pakre n yɩɩdã, wala zemsgo, nimbãan-zoeere la pʋ-peelem. Dẽ n segdẽ pipi tɩ sẽn keta yaool n wa paasẽ.

Mossi MPBU (WẼNNAAM SEBRE 2014)

Yãmba, tõog karen-saam-dãmba, la Fariizẽ-dãmb sẽn yaa zãmb dãmbã, yãmb na paam toogo! Bala, yãmb yãkda zẽ-vãad wa mant la anet la kume piig pʋɩɩre, la yãmb basda bũmb ning sẽn yaa kãseng n yɩɩd fãa tõogã pʋgẽ: yaa nimbãan-zoeere la sɩd maanego. Yaa bõn-kãensã la yãmb tog n maane, la y ra bas sẽn ketã me ye.

Mossi Moore (KÃAB-PAALGÃ KOE-NOOGO)

Yãmba, tõog karen-saam-dãmba, la Fariisẽ-dãmb sẽn ya zãmb dãmbã, yãmb na paam toogo! Tɩ bõe, yãmb yãkda zẽ-vãad wa mant la anet la kume piig-pʋɩɩre, la yãmb basda bũmb ning sẽn ya kãseng n yɩɩd fãa tõogã pʋgẽ: yaa nimbãan-zoeere la sɩd maanego. Yaa bõn-kãensã la yãmb tog n maane, la y da bas sẽn ketã me ye.