1 Corinthians 8:7 — Compare Translations

Mazanderani EMB (کتاب مقدس به زبان مازندرانی - گویش شرقی)

هر چَن که همه این مَعرفتِ نِدارنِنه. ولی بَعضیا تا اَلان جوری بِتها ره عادت هاکاردِنه که همین اَلان هم اگه این طی خِراکهایی بَخُرِن، خیال کاندِنه اون خِراک راس راسی بِت ها ره پیشکَش بَییه؛ و از اونجه که وِشون ضَعیفِ وجدان دارنِنه، نَجس بونِنه.

Mazanderani GMB (گیله ماز)

هرچند هَمِه این معرفت رِه نِدارَن. ولی بعضیان تا اَلآن جوری بُتیشانِ عادت هَکُردَن که اگه همین الان هَم اینجور خُراکهایی بُخارَن، خیال کانَن اون خوراک راس راسی بُتِشانِ پیشکَش هَبا؛ و اوجِه یه جی که اوشان وُجدان ضعیفِ، نَجِس بونِن.

Mazanderani WMB (کتاب مقدس به زبان مازندرانی - گویش غربی)

هر چَن هَمه هَین معرفتِ نارِنِه. ولی بعضیا تا اَلَن جوری بِتیشونِه عادت هاکِردِنِه گه اگه همین اَلَن هَم هَینجور خِراکهایی بَخارِن، خیال کِنِنِه هون خِراک راساسی بِتیشونی پیشکَش بَوِه؛ و از اوجِه گه وِشون ضعیفِ وِجدان دارِنِه، نَجِس وونِنِه.