Acts 19:21 — Compare Translations

Mazanderani EMB (کتاب مقدس به زبان مازندرانی - گویش شرقی)

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

Mazanderani GMB (گیله ماز)

بعدِ این اِتفاقان، پولُس خُدای روحِ هَمرهَ هِدایت هَبا که مَقدونیه و اَخائیه یه منطقه یه راهِ جی به اورشَلیمِ وَگِردِه. پولُس گونِه با: «بعدِ اینکه اوجِه بَشَم، بایسّی رومِ شهرِ جی هم دیدَن هَکُنَم.»

Mazanderani WMB (کتاب مقدس به زبان مازندرانی - گویش غربی)

بعد از هَین اِتِّفاقا، پولُس خِدایی روحی هَمرا هِدایت بَوِه گه مَقدونیه و اَخائیه ای مَنطقِه ای راهی جا اورشَلیمی سِه دَگِردِه. پولُس گِتِه: «بعد از هَینگه اوجِه بوردِمِه، وِنِه رومی شهری جا هَم دیدَن هاکِنِم.»