Acts 28:23 — Compare Translations

Mazanderani EMB (کتاب مقدس به زبان مازندرانی - گویش شرقی)

پَس وِشون یِتا روزِ تعیین هاکاردِنه و خَله آدِمون پولُسِ سِره بییَمونه تا وه ره بَوینِن. وه صِواحی تا شو، خِدائه پادشاهیِ خَوِری وِشونِ وِسه شهادت دائه و تَقِلّا کارده، موسیِ تورات و پیغمبِرونِ نوِشتهِ هِمراه، عیسیِ خَوِری وِشون قانع هاکانه.

Mazanderani GMB (گیله ماز)

پَس اوشان ایتا روز تَعیین هَکُردَن و خِیلی آدَمان پولُسِ سِرِه بومَن تا اونِه بَینِن. اون صُب تا شُو، خُدای پادشاهی یه بارِه اوشانِ وَسین شهادت دَنِه با. وَ تَقَلّا کانِه با موسایه تورات و پِیغَمبَرانِ نِوِشتِه های هَمرهَ، عیسی یه بارِه اوشانه قانع هَکونِه.

Mazanderani WMB (کتاب مقدس به زبان مازندرانی - گویش غربی)

پَس وِشون یَتِه روزِ تَعیین هاکِردِنِه و خِیلی آدَمِن پولُسی خِنِه بیمونِه تا وِرِه بَوینِن. وی صِب تا شُو، خِدایی پادشاهی ای خَوَری وِشونی سِه شهادت داوِه. و تَقَلّا کِردِه موسایی تورات و پِیغَمبَرِنی نِوِشتِه ای هَمرا، عیسایی خَوَری وِشونه قانع هاکِنِه.