John 21:7 — Compare Translations

Mazanderani EMB (کتاب مقدس به زبان مازندرانی - گویش شرقی)

اون شاگِردی که عیسی وه ره دوس داشته، پِطرُسِ بااوته: «خِداوندِ!» شَمعونِ پِطرُس وَختی بِشنُسه خِداوندِ، شه جِمه ره دَپوشیه - چوون جِمه ره کارِ وِسه شه تَن جِم دَر بیارده بییه - و شه ره دریائه دِله دِم هِدا بییه.

Mazanderani GMB (گیله ماز)

اون شاگِردی که عیسی اونه دوس داشتِه پِطرُسِ باَگوته: «خُداوَندِ!» شَمعونِ پِطرُس وَختی بِشنَوِسِّه خُداوَندِ، خودشه پیرَنِ رِه دَکُردِه، - چون پیرَن رِه کارِ وَسین خودشه تَنِ جی دَر بیاردِه با- و خودِشِ دَریایِ دِلِه تُووادَه.

Mazanderani WMB (کتاب مقدس به زبان مازندرانی - گویش غربی)

هون شاگِردی گه عیسی وِرِه دوس داشتِه پِطرُسِ بُتِه: «خِداوَندِ!» شَمعونِ پِطرُس وختی بِشنُسِه خِداوَندِ، شی جِمِه رِه دَکِردِه، - چون جِمِه رِه کاری سِه شی تَنی جا دَر بیارد وِه - و شِرِه دَریایی دِلِه دیم بَدا.