Mark 14:72 — Compare Translations

Mazanderani EMB (کتاب مقدس به زبان مازندرانی - گویش شرقی)

هَمون لَحظه، تِلا دِوّمین کَش وِسه وَنگ هاکارده. اون وَخت پِطرُس، عیسیِ گَبِ شه ‌یاد بیارده که وه ره بااوته بییه: «قبل از اون که تِلا دِ کَش وَنگ هاکانه، سه کَش مِ ره حاشا کاندی». پَس وه دِل پِر بَییه و برمه هاکارده.

Mazanderani GMB (گیله ماز)

همون دَم، تِلا دوّمین دفِه دُخوانِسِّه. ایما پِطرُس عیسی یِه گَبِ خودشه یاد بیاردِه که اونه باگوتِه با: «پِیش اَز اونکه تِلا دو دفعه دُخوانهِ، سِه دفه مَرِه حَشا کانی.» پس اونه دِل پُر هَبا و بِرمه هَکُردِه.

Mazanderani WMB (کتاب مقدس به زبان مازندرانی - گویش غربی)

هَمون دَم، تَلا دِوّمین کَشی سِه بَخونِسِه. اَزما پِطرُس عیسایی گَبِ شی یاد بیارد وِه گه ورِه بُت وِه: «پِش از هونگه تَلا دِ کَش بَخونِّه، سِه کَش مِنِه هَشا کَشِنی.» پس وی دِل پِر بَوِه و بِرمه هاکِردِه.