Matthew 13:48 — Compare Translations

Mazanderani EMB (کتاب مقدس به زبان مازندرانی - گویش شرقی)

وَختی که تور، ماهیِ جِم مَشت بونه، ماهیگیرون اونِ دریائه جِم بالا کَشِنِنه. بعد نیشِنِنه خوارِ مائیا ره سیوا کاندِنه و زَمبیلِ دِله اییِلنِنه ولی بَدِ مائیا ره دِم دِنِنه.

Mazanderani GMB (گیله ماز)

وَختی که دام ماهی یه جی مَشت بونه، ماهیگیران اونِهِ دَریایِ جی کنار کَشِنَن. بعد نیشِنِن خُجیرِ ماهی شان رِه سیفا کانَن و زَمّیلِ دِلِه نَنِن، وَلی بَدِ ماهی شان رِه دور تووادِنِن.

Mazanderani WMB (کتاب مقدس به زبان مازندرانی - گویش غربی)

وختی گه تور مائی ای جا مَشت وونِه، مائیگیرِن اونِه دَریایی جا لُو کَشِنِنِه. اَزما نیشِنِنِه خِبِ مائی ایشونِه سیوا کِنِنِه و زَمبیلی دِلِه اِلِنِه، ولی بَدِ مائی ایشونِه دیم دِنِنِه.