Revelation 7:14 — Compare Translations

Mazanderani EMB (کتاب مقدس به زبان مازندرانی - گویش شرقی)

مِن وه ره جواب هِدامه: «اِی آقا، اینِ تِ دوندی» و وه مِ ره بااوته: «اینا همونایینه که اون گَتِ عِذابِ جِم بیرون بییَمونه و شه قواها ره وَرهِ خونِ دِله بَشُسِنه و اسبه هاکاردِنه.

Mazanderani GMB (گیله ماز)

مَن اونه جَواب هَدَم: «اِی آقا، اینه تو دِانی،» و اون مَرِه باَگوته: «ایشان هَموشانییَن که اون گَتِه عذابِ جی دِرگا بومَن و خودِشانِه قواشانه وَرِّه یه خونِ دِلهِ بَشوردِن و اِسبی هَکُردَن.

Mazanderani WMB (کتاب مقدس به زبان مازندرانی - گویش غربی)

مِن وِرِه جِواب هادامِه: «اِی آقا، هَینِه تو دِنّی،» و وی مِنِه بُتِه: «هَینِن هَمونانینِه گه هون گَتِه عذابی جا دیرگا بیمونِه و شی قَوائیشونِه وَرکایی خونی دِلِه بَشوردِنِه و اِسبی هاکِردِنِه.