Romans 7:13 — Compare Translations

Mazanderani EMB (کتاب مقدس به زبان مازندرانی - گویش شرقی)

پَس مگه اونچی خوار بییه، مِ وِسه مَرگِ باعث بَییه؟ اَصلاً! بلکه گِناه اونچیِ طَریق که خوار بییه، مِ دِله مَرگِ به وجود بیارده تا این طی دیار بَووه که گِناه، گِناهِ و شَریعتِ حِکمِ طَریقِ جِم، دیار بَووه که گِناهِ پلیدی چَنده بی حدّ و حِسابِ.

Mazanderani GMB (گیله ماز)

پَس مَگِه اونچه خُجیر با، می مرگ باعِث هَبا؟ اَصلاً! بَلکه گُناه اونچه یه طریق که خَجیر با، مَرگِ می دِلِه بِوجود بیاردِه تا اینجوری معلوم هَبو که گُناه، گُناهِ، وَ شریعتِ حُکمِ طریقِ جی معلوم هَبا که گُناهِ پلیدی چَنّی بی حد و حِسابِ.

Mazanderani WMB (کتاب مقدس به زبان مازندرانی - گویش غربی)

پَس مَگِه اونچی خِب وِه، میسِه مرگی باعث بَوِه؟ اَصلاً! بَلگی گِناه اونچی ای طریق گه خِب وِه، مَرگِ می دِلِه بِوجود بیاردِه تا هَینجوری معلوم بَوو گه گِناه، گِناهِ، و شریعتی حِکمی طریقی جا معلوم بَوو گه گِناهی پلیدی چَنّی بی حد و حِسابِ.