1 Chronicles 12:23 — Compare Translations
4 translations compared side by side
Nepali 2008 - (सरल नेपाली पवित्र बाइबल)
[23-37] दाऊद हेब्रोनमा छँदा धेरै तालिम पाएका सिपाहीहरू उनको सेनामा भर्ना भए। तिनीहरूले दाऊदलाई परमप्रभुले प्रतिज्ञा गर्नुभएअनुसार शाऊलको सट्टामा राजा बन्न मद्दत गर्न चाहन्थे। तिनीहरूको सङ्ख्या यस प्रकार थियो: यहूदा— स्त्र-शस्त्र भएका र भाला र ढाल बोक्ने ६,८०० पुरुषहरू, शिमियोन— असल तालिम पाएका ७,१०० योद्धाहरू, लेवी— ४,६०० पुरुषहरू, हारूनका सन्तान यहोयादाका पछि लागेका ३,७०० पुरुषहरू र एक जना योद्धा सादोक र उनका कुटुम्ब, २२ प्रमुख मानिसहरू, बेन्यामीन (शाऊलको आफ्नो कुल)— ३,००० पुरुषहरू (बेन्यामीन कुलका धेरैजसो मानिस शाऊलपट्टि राजभक्त रहेका थिए), एफ्राइम— आ-आफ्ना गोत्रका प्रसिद्ध २०,८०० पुरुषहरू, पश्चिम-मनश्शे— दाऊदलाई राजा बनाउन जान छानिएका १८,००० पुरुषहरू, इस्साखार— आ-आफ्नो नेतृत्वमा भएका मानिसहरूसहित दुई सय अगुवाहरू (इस्राएलले के गर्नुपर्छ र त्यो गर्न सबैभन्दा असल समय कुन हो, ती अगुवाहरूले जान्दथे), जबूलून— सबै प्रकारका हतियार चलाउने तालिम पाएका राजभक्त, भरपर्दा र लड्नलाई तयार ५०,००० पुरुषहरू, नप्ताली— ढाल र भाला बोकेका ३७,००० पुरुषसहित एक हजार अगुवाहरू, दान— २८,६०० तालिम पाएका पुरुषहरू, आशेर— लडाइँको लागि तयार ४०,००० पुरुषहरू, यर्दनका पूर्वका कुल— रूबेन, गाद र पूर्वीय मनश्शेबाट— सबै प्रकारका हतियारहरू प्रयोग गर्ने तालिम पाएका १,२०,००० पुरुषहरू।
Nepali 2012 (NNRV) New Revised Version (नेपाली नयाँ संशोधित संस्करण)
परमप्रभुले भन्नुभएबमोजिम शाऊलको राज्याधिकार दाऊदलाई दिन हेब्रोनमा हतियारले सुसज्जित भएर दाऊदसँग मिल्न आएका दलहरूका संख्या यही हुन्:
Nepali Contemporary Version 2021 (पवित्र बाइबल, नेपाली समकालीन संस्करण)
याहवेहले भन्नुभएझैँ शाऊलको राज्य दावीदलाई सुम्पन हेब्रोनमा दावीदकहाँ आएका लडाइँका निम्ति हतियारले सुसज्जित भई आउने मानिसहरूको संख्या यही हो:
Nepali ERV (पवित्र बाइबल)
यी संख्याहरू ती मानिसहरूका हुन जो हेब्रोन शहरमा दाऊद कहाँ आए। यी मानिसहरू युद्धका निम्ति तयार थिए। तिनीहरू शाऊलको राज्याधिकार दाऊदलाई दिन आए। यो त्यही कुरा थियो जो हुने छ भनी परमप्रभुले भन्नु भएको थियो। यो तिनीहरूको संख्या होः