2 Chronicles 32:5 — Compare Translations

Nepali 2008 - (सरल नेपाली पवित्र बाइबल)

पर्खाल मरमत गरी तीमाथि बुर्जाहरू बसाई सहरको बाहिरपट्टि एउटा पर्खाल बनाएर राजाले यरूशलेम सहरका बचाउको बन्‍दोबस्‍त अझ बलियो पारे। त्‍यसबाहेक पुरानो यरूशलेमको पूर्वीय भागमा माटो भरेर तयार गरेको जमिनमाथि बनाइएका सुरक्षा व्‍यवस्‍थाहरूको पनि तिनले मरमत गरे। तिनले धेरै ढाल र भालाहरू पनि बनाउन लाए।

Nepali 2012 (NNRV) New Revised Version (नेपाली नयाँ संशोधित संस्करण)

तब राजाले मेहनतसाथ सहरको पर्खालका भत्‍किएका सबै ठाउँहरू राम्ररी मरम्‍मत गरे र त्‍यसमा धरहराहरू बनाए। पर्खालको बाहिरपट्टि तिनले अर्को पर्खाल बनाए र दाऊदको सहरका टेवा दिने गाराहरू सुदृढ़ पारे। तिनले धेरै हातहतियार र ढालहरू पनि बनाए।

Nepali Contemporary Version 2021 (पवित्र बाइबल, नेपाली समकालीन संस्करण)

तब तिनले कठोर परिश्रमसाथ पर्खालका भत्किएका भागहरू मर्मत गरे; अनि तीमाथि धरहराहरू निर्माण गरे। तिनले त्यस पर्खालबाहिर अर्को पर्खाल बनाए, र दावीदको सहरका छानाहरूलाई बलियो पारे। तिनले धेरै मात्रामा भाला र ढालहरू पनि बनाए।

Nepali ERV (पवित्र बाइबल)

हिजकियाहले यरूशलेमलाई अझ अधिक सुदृढ बनाए। तिनले यो काम यसरी गरेः तिनले पर्खालका सबै अंशहरू फेरि बनाए जो भत्किएका थिए। तिनले पर्खाल माथि किल्लाहरू बनाए। तिनले पहिलो पर्खालको बाहिर पट्टि अर्को पर्खाल पनि निर्माण गरे। तिनले यरूशलेमको पुरानो अंशको पूर्व तिरको सुदृढ स्थानहरूलाई फेरि निर्माण गरे। तिनले अनेक हतियारहरू अनि ढालहरू बनाए।