Joshua 8:33 — Compare Translations
4 translations compared side by side
Nepali 2008 - (सरल नेपाली पवित्र बाइबल)
इस्राएलीहरू, तिनका अगुवा, भारदार, न्यायकर्ताहरू र आफ्ना बीचमा बास गर्ने विदेशीहरूसमेत परमप्रभुको करारको सन्दुकका दुईपट्टि, सन्दुक बोक्ने लेवी पूजाहारीहरूका सामुन्ने उभिए। आधाजसो मानिसहरू आफ्ना पिठ्युँ गीरीज्जीम पहाडतिर फर्काएर उभिए र अर्को आधाजसोचाहिँ पिठ्युँ एबाल पहाडतिर फर्काई उभिए। आशिष् थाप्ने समयमा त्यसो गर्न परमप्रभुका सेवक मोशाले तिनीहरूलाई आज्ञा गरेका थिए।
Nepali 2012 (NNRV) New Revised Version (नेपाली नयाँ संशोधित संस्करण)
इस्राएलीहरूलाई आशीर्वाद दिनुपर्छ भनी परमप्रभुका दास मोशाले पहिले नै आज्ञा दिएबमोजिम, परदेशी, स्वदेशी, सारा इस्राएली, तिनीहरूका धर्म-गुरुहरू, अधिकारीहरू, न्यायकर्ताहरूसमेत परमप्रभुका, करारको सन्दूक बोक्ने लेवी पूजाहारीहरूका सामुन्ने सन्दूकको दुईतिर आधा एबाल डाँड़ाको सामु र अर्को आधा गीरीज्जीम डाँड़ाको सामु खड़ा भए।
Nepali Contemporary Version 2021 (पवित्र बाइबल, नेपाली समकालीन संस्करण)
सबै इस्राएलीहरू, तिनीहरूका प्रधानहरू, अधिकृतहरू, न्यायकर्ताहरू, याहवेहको करारको सन्दुक बोक्ने लेवी पुजारीहरूका दुवै तर्फ फर्केर उभिएका थिए। त्यहाँ विदेशीहरू र त्यहाँ जन्मिएका नागरिकहरू पनि थिए। इस्राएलका मानिसहरूलाई आशिष् दिनलाई याहवेहको सेवक मोशाले पहिले नै आदेश दिएझैँ, आधा मानिसहरू गीरीज्जीम डाँडाको सामु र आधाचाहिँ एबाल डाँडाको सामु खडा भए।
Nepali ERV (पवित्र बाइबल)
बूढा-प्रधान, अधिकारी, न्यायकर्त्ता अनि इस्राएलका समस्त मानिसहरू पवित्र सन्दूक वरिपरि लेवी पूजाहारीहरूका सामुन्ने उभिएका थिए जसले परमप्रभुको करारको पवित्र सन्दूक बोकेका थिए। इस्राएलका मानिसहरू अनि तिनीहरूसित भएका अन्य मानिसहरू सबै त्यहाँ उभिएका थिए। आधा मानिसहरू एबाल पर्वतको सामुन्ने उभिएका थिए अनि अर्को आधा मानिसहरू गीरिज्जीम पर्वतको सामुन्ने उभिएका थिए। परमप्रभुका दास मोशाले मानिसहरूलाई यसो गर्नु भनेका थिए। मोशाले तिनीहरूलाई यो आशीर्वादका निम्ति गर्नु भनेका थिए।