1 Kings 12:33 — Compare Translations

Chewa (Buku Loyera Catholic Edition - Chichewa)

Yerobowamuyo ankapita ku guwa limene adamanga, pa tsiku la 15 la mwezi wachisanu ndi chitatu, mwezi umene iye yekha adausankha. Motero Yerobowamu adalamula kuti pakhale tsiku lachikondwerero la Aisraele, ndipo iye yemwe adapita kukapereka nsembe yofukiza lubani pa guwa.

Chewa 1922 (Buku Lopatulika)

Ndipo anapereka nsembe pa guwa la nsembe analimanga m'Betele, tsiku lakhumi ndi chisanu la mwezi wachisanu ndi chitatu, m'mwezi umene anaulingirira m'mtima mwa iye yekha, nawaikira ana a Israele madyerero, napereka nsembe pa guwa la nsembe, nafukiza zonunkhira.

Chewa 2002 (Mawu a Mulungu mu Chichewa Chalero)

Tsiku la 15 la mwezi wachisanu ndi chitatu, mwezi umene anawusankha yekha, anapereka nsembe pa guwa limene analimanga ku Beteli. Motero anakhazikitsa chikondwerero cha Aisraeli ndipo iye ankapita kukapereka nsembe yofukiza lubani pa guwa.

Chewa Bible (BL) 1992 - Buku Lopatulika

Ndipo anapereka nsembe pa guwa la nsembe analimanga m'Beteli, tsiku lakhumi ndi cisanu la mwezi wacisanu ndi citatu, m'mwezi umene anaulingirira m'mtima mwa iye yekha, nawaikira ana a Israyeli madyerero, napereka nsembe pa guwa la nsembe, nafukiza zonunkhira.