Isaiah 48:20 — Compare Translations

Chewa (Buku Loyera Catholic Edition - Chichewa)

“Tulukani m'dziko la Babiloni, thaŵani m'dziko la ukapolo. Mulengeze zimenezi ndi mau amphamvu, muzilalike, muzifikitse mpaka ku mathero a dziko lapansi. Muzinena kuti, ‘Chauta waombola Yakobe, mtumiki wake.’ ”

Chewa 1922 (Buku Lopatulika)

Tulukani inu m'Babiloni, athaweni Ababiloni; ndi mau akuimba nenani inu, bukitsani ichi, lalikirani ichi, ngakhale ku malekezero a dziko; nenani, Yehova waombola mtumiki wake Yakobo.

Chewa 2002 (Mawu a Mulungu mu Chichewa Chalero)

Tulukani mʼdziko la Babuloni! Thawani dziko la Kaldeya! Lengezani zimenezi ndi mawu a chisangalalo ndipo muzilalikire mpaka kumathero a dziko lapansi; muzinena kuti, “Yehova wawombola Yakobo mtumiki wake.”

Chewa Bible (BL) 1992 - Buku Lopatulika

Turukani inu m'Babulo, athaweni Akasidi; ndi mau akuyimba nenani inu, bukitsani ici, lalikirani ici, ngakhale ku malekezero a dziko; nenani, Yehova waombola mtumiki wace Yakobo.