1 Samuel 14:41 — Compare Translations
2 translations compared side by side
Nyankole 1964
N'ahabw'ekyo Saulo yaagira ati: Ai MUKAMA Ruhanga wa Israeli, ahabw'enki tiwaagarukamu omwiru waawe eri izooba? Ku ruraabe ruri orubanja rwangye nari orwa mutabani wangye Yonasaani, ai MUKAMA Ruhanga wa Israeli, oyorekye ekihikire; kwonka ku ruraabe ruri orw'abantu baawe Israeli, otuhe Tumimu. Haakwatwa Yonasaani na Saulo, abantu baakira.
nyankole
Saulo atakira Nyakubaho ati: Ai Mukama Ruhanga wa Isiraeli, nyowe omwiru waawe ekyakuzibira kungarukamu eri izooba ni ki? Eki kibi ku ndaabe niinye nkikozire nari kikozirwe mutabani wangye Yonataani, ai Mukama Ruhanga wa Isiraeli kyorekyese endagu, Urimu. Kandi ku kiraabe kikozirwe abantu baawe Abaisiraeli, otugarukyemu na Tumimu. Mpaho enteenyu ekwata Yonataani na Saulo, abantu bakira.