2 Kings 12:18 — Compare Translations

Nyankole 1964

N'ahabw'ekyo Yoasi omugabe wa Yuda yaatwara ebintu byona ebirikwera ebyahairwe baishenkuru, Yehoshafaati na Yehoraamu na Ahazia abagabe ba Yuda, hamwe n'ebintu bye ahabwe ebi yaahaireyo, kandi n'ezaabu yoona eyaashangirwe omu mabiikiro g'enju ya MUKAMA n'ag'enju y'omugabe, yaabitwekyera Hazaeli omugabe wa Siria. Atyo Hazaeli yaaruga ahari Yerusaalemu.

nyankole

Yoashi omugabe wa Yuda yaihayo ebiconco byona ebi Yehoshafaati na Yehoramu na Ahaziya abagabe ba Yuda baishenkuru baatoijeire Ruhanga beekundiire, n'ebye ebi we wenka yaatoizire ayekundiire, n'ezaabu zoona ezaashangirwe omu mabiikiro ga Nyaruju ya Nyakubaho, n'ez'omu kikaari ky'omugabe, yaabitwekyera Hazaeli omugabe wa Siriya. Hazaeli atyo yaaruga ahari Yerusalemu.